Акафист Божией Матери "Иерусалимская"
Кондак 1 Избранной от всех родов преблагословенной Деве похвальное приносим Ти пение, яко Мати сущи Бога. Земнородным явилася еси милосердая Матерь, страждущим подающи отраду, болящим различными недугами исцеление и от наветов вражиих защиту, всем же молящимся Тебе скорое услышание. Темже в радости и умилении вопием Ти: Радуйся, радосте наша, избави нас от всякия нужды и печали.
Акафист Божией Матери "Иверская"
Кондак 1 Взбранной Воеводе, Владычице нашей Богородице, похвальная пения приносим Ти раби Твои, яко пришествием честнаго образа Твоего стяжавший щит крепкий, стену необоримую и стража неусыпна. Ты же, яко имущая державу непобедимую, покрый и защити нас, Владычице, от всех врагов видимых и невидимых и избави от всякаго вреда, душевнаго и телеснаго, да зовем Ти: Радуйся, благая Вратарнице, двери райския верным отверзающая.
Акафист Божией Матери перед иконой "Живоносный источник"
Кондак 1 Избранной от всех родов Владычице Богородице, благодатную помощь нам являющей, похвальная восписуем Ти раби Твои Богородице. Ты же, яко Преблагая Мати Божия, излей на нас великия и богатыя милости Твоя, недуги наша исцели и скорби утоли, да благодарственное зовем Тебе:
Радуйся, Владычице, Живоносный Источник верным изливающая.
Акафист перед иконой Божией Матери "Достойно есть"
Кондак 1 Избранней Богом от человеческаго рода послужити воплощению Предвечнаго Слова, Преблагословенней Деве Богородице, достойно воспеваемой от Ангел на Небеси, мы грешнии на земли дерзаем приносити хвалебное пение; еже милостиво от нас приемши, всемилующая Царице Богородице, от всяких бед нас спаси и вечных мук свободи, да зовем Ти: Радуйся, христианом Помощнице и милосердая о грешных Предстательнице.
Акафист Божией Матери "Всецарица"
Новоявленней Твоей иконе предстояще вернии умильно, воспеваем Ти, Всецарице, раби Твои; ниспосли цельбы к Тебе притекающим ныне рабом Твоим, да вси радостно зовем Ти:
Радуйся, Всецарице, недуги наша благодатию исцеляющая.